ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ (QIA) ᒥᒃᓵᓄᑦ
ᕿᑭᖅᑕᓃᒃᑯᑦ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖑᔪᑦ ᕿᑭᖅᑕᓂ ᐊᕕᒃᑐᖅᓯᒪᓂᐅᔪᒥ ᓄᓇᕗᒻᒥ, ᑭᒡᒐᖅᑐᐃᔪᑦ 51 ᐳᓴᓐᑎᖏᓐᓂ ᐃᓄᖕᓂ ᓄᓇᖃᖅᑐᓂ ᓄᓇᕗᒻᒥ ᐃᓂᖃᖅᑐᒥ ᑲᓇᑕᐅᑉ ᐅᑭᐅᖅᑕᖅᑐᖓᓂ.
ᑐᑦᑕᕐᕕᒃ
ᑲᑎᖃᑎᖃᕐᓂᖅ ᐃᓄᖕᓂᑦ ᐃᖅᑲᓇᐃᔮᑎᒍᑦ, ᐊᔪᕈᓐᓃᖅᓴᖅᓯᒪᔪᖅ ᐱᕙᓪᓕᐊᑎᑕᐅᓯᒪᔪᖅ ᐱᕕᒃᓴᖅ
ᑐᑦᑕᕐᕕᒃ ᑐᑦᑕᕐᕕᐅᕗᖅ ᐃᑲᔫᑕᐅᓪᓗᓂ ᐃᖅᑲᓇᐃᔭᖅᑎᑦᑎᔨᓄᑦ ᕿᑭᖅᑕᓂ ᐃᓄᖕᓂᑦ ᐃᖅᑲᓇᐃᔭᖅᑎᑖᕋᓱᐊᖅᑎᓪᓗᒋᑦ ᐃᖅᑲᓇᐃᔮᒃᓴᓄᑦ ᐅᕝᕙᓘᓐᓃᑦ ᐱᓕᖕᒪᒃᓴᐅᑎᒃᓴᓄᑦ. ᑐᑦᑕᕐᕕᒃ ᐃᓚᖃᖅᑐᖅ ᐃᑭᐊᖅᑭᕕᖕᒥᒃ ᐊᒻᒪᓗ ᓄᒃᑕᕋᐅᑎᓂᒃ ᐃᑲᔫᑎᒃᓴᓂᒃ ᐃᖅᑲᓇᐃᔮᒃᓴᖅᓯᐅᖅᑎᓄᑦ ᐃᖅᑲᓇᐃᔭᕆᓯᒪᔭᖏᓐᓄᑦ ᑎᑎᕋᖅᓯᒪᔪᓂᒃ, ᓴᖅᑭᔮᖅᑎᑦᑎᓂᕐᒥᒃ ᐊᔪᙱᓐᓂᕆᔭᐅᔪᓂᒃ, ᐃᖅᑲᓇᐃᔮᖅᑖᕋᓱᐊᕐᓂᕐᒥᒃ ᐊᒻᒪᓗ ᓇᓂᓯᓂᕐᒥᒃ ᐃᓕᓐᓂᐊᕈᑎᒃᓴᓂᒃ. ᐱᔭᕆᐊᑭᑦᑐᑯᓗᒃ ᐊᒻᒪᓗ ᐊᑐᒐᒃᓴᐅᓪᓗᓂ ᐃᖅᑲᓇᐃᔭᕆᓯᒪᔭᖏᓐᓄᑦ ᑎᑎᕋᖅᓯᒪᔪᑦ ᐋᖅᑭᑦᑕᐅᓯᒪᔪᖅ ᑲᑐᔾᔭᐅᓪᓗᓂ ᐃᓄᖕᓄᑦ ᕿᑭᖅᑕᓂ ᐊᕕᒃᑐᖅᓯᒪᔪᓂ. ᐃᖅᑲᓇᐃᔭᕆᓯᒪᔭᒥᓄᑦ ᑎᑎᕋᖅᓯᒪᔪᓕᐅᕐᓂᖅ ᐱᔭᕆᐊᑭᑦᑐᑯᓘᓕᖅᑐᖅ, ᐊᒻᒪᓗ ᐃᓄᐃᑦ ᓇᓗᓇᐃᖅᓯᔪᓐᓇᖅᑐᑦ ᐱᖅᑯᓯᑐᖃᖅᑎᒍᑦ ᐊᔪᓐᖏᓐᓂᕆᔭᐅᔪᓂᒃ ᐃᖅᑲᓇᐃᔭᖅᑎᑦᑎᔨᓄᑦ.
ᕿᑭᖅᑕᓂ ᐱᓕᒻᒪᒃᓴᐃᓂᕐᒧᑦ ᐱᓕᒻᒪᒃᓴᐃᓂᕐᒧᓪᓗ ᐃᖅᑲᓇᐃᔮᒃᓴᓄᑦ ᑲᑐᔾᔨᖃᑎᒌᒍᑕᐅᔪᖅ (Q-STEP) ᐱᓕᕆᐊᖅ ᐊᑕᐅᓯᐅᖕᒪᑦ ᐊᑐᐃᓐᓇᐅᔪᖅ ᑐᑦᑕᕐᕕᒃᑯᑎᒍᑦ. ᖃᕆᓴᐅᔭᒃᑯᑦ ᐊᑎᓕᐅᕆᑦ ᐊᒻᒪᓗ ᐃᓕᓐᓂᐊᕈᑎᓂᒃ ᑕᕐᕆᔮᒃᓴᓂᒃ ᑕᐅᑐᒡᓗᑎᑦ ᐃᓕᑦᑎᒃᑲᓐᓂᕈᒪᒍᕕᑦ ᑐᑦᑕᕐᕕᒃ ᐃᑭᐊᖅᑭᕕᖓᓂ.
Q-STEP−ᖑᔪᖅ – ᐅᓄᖅᓯᒋᐊᕐᓗᒋᑦ ᐃᖅᑲᓇᐃᔮᒃᓴᑦ ᐊᒻᒪ ᐱᓕᒻᒪᒃᓴᖅᑕᐅᔪᓐᓇᖅᑐᑦ ᐃᓄᐃᑦ
ᐱᓕᕆᖃᑎᖃᒃᑲᓐᓂᖅᑐᒍᑦ ᑲᑐᔾᔨᖃᑎᒌᓂᒃ ᐋᖅᑭᒃᓱᐃᓇᓱᒃᖢᑕ ᐃᓕᓐᓂᐊᕈᑎᒃᓴᓂᒃ ᐃᖅᑲᓇᐃᔮᒃᓴᓂᒡᓗ, ᐱᖃᓯᐅᑎᓪᓗᒋᑦ ᑮᓇᐅᔾᔭᒃᓵᓄᑦ ᐃᑲᔫᑎᑦ ᐃᖅᑲᓇᐃᔭᖅᑎᑦᑎᔨᓄᑦ ᐃᖅᑲᓇᐃᔭᖅᑎᑖᖅᐸᒃᑐᓄᑦ Q-STEP-ᑯᑦ ᐃᓚᐅᖃᑕᐅᔪᓂᒃ. ᐃᓕᓐᓂᐊᕐᓂᖅ ᐊᑐᐃᓐᓇᐅᔪᖅ ᐅᖁᒪᐃᑦᑐᓂᒃ ᓄᓇᒃᑰᕈᑎᓂᑦ ᐊᐅᓚᑦᑎᔨᐅᓂᕐᒧᑦ, ᐊᖁᑎᐅᓂᕐᒧᑦ ᐃᓕᓐᓂᐊᕐᓂᖅ ᐊᒻᒪᓗ ᐃᖅᑲᓇᐃᔭᕐᓂᕐᒧᑦ ᐅᐸᓗᖓᐃᖅᓯᒪᓂᕐᒧᑦ. ᐃᓄᐃᑦ ᐱᓕᒻᒪᒃᓴᖅᑕᐅᓂᖏᓐᓄᑦ ᐱᕙᓪᓕᐊᑎᑕᐅᓂᖏᓐᓄᓪᓗ ᐱᓕᕆᐊᖅ ᑐᕌᒐᖃᖅᐳᖅ ᐃᖅᑲᓇᐃᔮᒃᓴᓄᑦ ᐱᕙᓪᓕᐊᑎᑦᑎᓂᕐᒥᒃ ᐊᒻᒪ ᓅᑦᑕᕆᐊᖃᕐᓂᕐᒥᒃ ᐃᖅᑲᓇᐃᔭᙱᓗᐊᖅᑐᓄᑦ ᐃᓄᖕᓄᑦ ᐱᕕᒃᓴᖃᖅᑎᑕᐅᓗᑎᒃ ᐃᖅᑲᓇᐃᔮᒃᓴᒥ ᐱᕙᓪᓕᐊᑎᑦᑎᓂᕐᒥᒃ ᖁᕝᕙᕆᐊᖅᑎᑦᑎᓂᕐᒧᓪᓗ, ᐱᖃᓯᐅᑎᓗᒋᑦ ᓴᓇᔨᕈᕆᐅᖅᓴᓂᖅ, ᐊᓪᓚᒡᕕᓕᕆᓂᖅ ᐊᒻᒪ ᐊᐅᓚᑦᑎᔨᐅᓂᖅ.
ᑕᐃᒪᓐᖓᓂᑦ 2017-18ᒥᑦ, Q-STEP−ᑯᑦ ᑐᓂᓯᖃᑦᑕᕐᓯᒪᔪᑦ ᓯᕗᕐᖓᓂ ᐃᖅᑲᓇᐃᔭᕐᓂᕐᒧᑦ ᐱᓕᒻᒪᒃᓴᐃᓂᕐᒥᑦ ᐃᓄᖕᓂᑦ ᕿᑭᖅᑕᓂ ᐊᕕᒃᑐᖅᓯᒪᔪᓂᑦ ᑮᓇᐅᔭᖃᖅᑎᑕᐅᓪᓗᑎᒃ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐊᒻᒪᓗ ᑲᑭᕙᒃ ᑲᑐᔾᔨᖃᑎᒌᖏᓐᓂᑦ. Q-STEP−ᑯᑦ ᐊᑐᐃᓐᓇᐅᑎᑦᑎᓲᑦ ᓇᓗᓇᐃᒃᑯᓯᖅᑕᐅᓯᒪᔪᓂᒃ ᐊᒻᒪᓗ ᓄᒃᑎᖅᑕᐅᔪᓐᓇᖅᑐᓂᒃ ᐱᔪᓐᓇᕐᓂᐅᔪᓂᒃ ᐱᓕᒻᒪᒃᓴᐃᓂᒃᑯᑦ ᐃᓄᖕᓄᑦ ᕿᑭᖅᑕᓂ ᐊᕕᑦᑐᖅᓯᒪᔪᓕᒫᒥ.