ᑐᓐᖓᓱᒋᑦ Q-Start-ᒧᑦ
ᑕᕝᕘᓇ Q-Start-ᑯᑦ ᐃᖅᑲᓇᐃᔭᕐᓂᕐᒧᑦ ᐊᑐᐃᓐᓇᐅᓂᕐᒧᑦ ᐱᓕᕆᐊᖑᔪᒃᑯᑦ, ᕿᓂᕈᓐᓇᖅᐳᑎᑦ ᐃᖅᑲᓇᐃᔮᒃᓴᓄᑦ ᓂᕈᐊᕈᑎᓂᒃ ᐊᒻᒪ ᐃᖅᑲᓇᐃᔭᕐᓂᕐᒧᑦ ᐊᑐᐃᓐᓇᐅᓂᕐᒥᒃ!
ᖃᐅᔨᒪᓂᕆᔭᐃᑦ ᐱᕈᖅᐸᓪᓕᐊᑎᓪᓗᒍ
ᓴᖅᑭᔮᖅᑎᑕᐅᔪᑦ ᐃᓕᓐᓂᐊᕈᑎᒃᓴᐃᑦ
1. ᖃᕆᓴᐅᔭᓕᕆᓂᕐᒧᑦ ᐊᑐᖅᑕᐅᒐᔪᒃᑐᓄᑦ ᓇᐃᓈᖅᓯᒪᔪᑦ
ᐃᓱᓕᑉᐸᑦ ᑖᓐᓇ ᐃᓕᓐᓂᐊᕐᓂᖅ, ᑕᐃᓯᔪᓐᓇᖅᓯᓂᐊᖅᐳᑎᑦ ᐊᔾᔨᒌᙱᑦᑐᓂᒃ ᐊᑐᕈᑎᓂᒃ ᖃᕆᓴᐅᔭᕋᓛᕐᓄᑦ, ᑐᑭᓯᐅᒪᓗᑎᑦ ᖃᓄᖅ ᐊᑐᕈᓐᓇᕐᒪᖔᖅᐱᑦ ᑐᕌᕈᑎᓂᒃ ᑲᑎᖃᑎᖃᕐᓂᕐᒧᑦ ᐊᑐᕈᑎᓂᒃ ᖃᕆᓴᐅᔭᕋᓛᕐᓄᑦ, ᐊᒻᒪᓗ ᐊᑐᕐᓗᒍ ᖃᕆᓴᐅᔭᕋᓛᖅ ᑲᑎᖃᑎᖃᕐᓂᕐᒧᑦ ᐊᒻᒪᓗ ᖃᕆᓴᐅᔭᒃᑯᑦ ᑐᑭᓯᒋᐊᕐᕕᒃᓴᓄᑦ.
2. ᖃᕆᓴᐅᔭᒃᑯᑦ ᐊᑦᑕᕐᓇᖅᑕᐃᓕᓃᑦ
ᑕᕝᕙᓂ ᐃᓕᓐᓂᐊᕈᑎᒥ, ᕿᒥᕐᕈᓂᐊᖅᐳᑎᑦ ᖃᕆᓴᐅᔭᒃᑯᑦ ᐊᑦᑕᕐᓇᖅᑕᐃᓕᒪᓂᕐᒥᒃ ᐊᒻᒪ ᖃᓄᖅ ᑐᑭᖃᕐᒪᖔᖅ ‘ᖃᕆᓴᐅᔭᒃᑯᑦ ᐃᓚᒋᔭᐅᓂᖅ’ ᐊᑐᕐᓗᓂ ‘ᖃᕆᓴᐅᔭᒃᑯᑦ ᐊᑐᕐᓂᕆᔭᑎᑦ’.
3. ᖃᕆᓴᐅᔭᓕᕆᓂᖅ ᐊᑐᖅᑕᐅᕙᒃᑐᓂᑦ ᓴᓇᔪᓄᑦ
ᑕᕝᕙᓂ ᐃᓕᓐᓂᐊᒐᒃᓴᒥᑦ, ᐃᓕᓐᓂᐊᕐᓂᐊᖅᐳᑎᑦ ᖃᕆᓴᐅᔭᐃᑦ ᐊᑐᕈᑎᖏᓐᓂᑦ ᐊᑐᖅᑕᐅᒐᔪᒃᑐᓂᑦ ᐃᖅᑲᓇᐃᔭᕐᕕᖕᓂᑦ.
ᐃᓕᓐᓂᐊᒃᑲᓐᓂᕐᓗᑎᑦ
ᓇᓗᓇᐃᕈᑖ ᑖᔅᓱᒪ QStart
ᑖᓐᓇ ᐃᓕᓐᓂᐊᕐᓂᖅ ᐃᑲᕐᕋᓄᑦ 40-ᓄᑦ ᐱᔭᕇᖅᑕᐅᔪᓐᓇᖅᑐᖅ ᐊᒻᒪᓗ ᐃᓕᑉᐸᓪᓕᐊᓂᐊᖅᑐᑎᑦ ᐃᖅᑲᓇᐃᔮᕆᓯᒪᔭᕐᓄᑦ ᑎᑎᕋᖅᓯᒪᔪᓂᒃ ᑎᑎᕋᕐᓂᕐᒥᒃ, ᐃᓕᖅᑯᓯᕐᒥᒃ ᖃᐅᔨᒪᓂᕐᒥᒃ, ᐃᖅᑲᓇᐃᔮᒃᓴᖅᓯᐅᕐᓂᕐᒥᒃ ᐊᒻᒪᓗ ᐊᐱᖅᓱᕐᓂᕐᒥᒃ ᐊᔪᕈᓐᓃᖅᓴᕐᓂᕐᒥᒃ, ᑮᓇᐅᔭᒃᑯᕕᓕᕆᓂᕐᒥᒃ, ᐃᖅᑲᓇᐃᔭᖅᑎᑦᑎᔨᓂᒃ ᑲᑎᓐᖓᖃᑎᖃᕐᓂᕐᒥᒃ, ᐊᒻᒪᓗ ᐊᓯᖏᓐᓂᒃ ᐊᔪᕈᓐᓃᖅᓴᕈᑎᓂᒃ ᐃᑲᔪᕐᓂᐊᖅᑐᓂᒃ ᐃᖅᑲᓇᐃᔭᕐᓂᕐᒧᑦ ᐸᕐᓇᒃᐸᓪᓕᐊᓂᕐᒥᒃ.
ᐃᓕᑦᑎᓂᐊᕐᒥᔪᑎᑦ ᐃᖅᑲᓇᐃᔭᖅᑎᑦᑎᔩᑦ ᓂᕆᐅᒋᔭᖏᓐᓂᒃ ᐃᖅᑲᓇᐃᔭᕐᕕᖕᒥ ᐃᑲᔪᕐᓂᖃᕐᓂᐊᖅᑐᓂᒃ ᑐᑭᓯᐅᒪᓂᕐᒥᒃ ᐱᒻᒪᕆᐅᓂᖓᓂᒃ ᐃᖅᑲᓇᐃᔭᕐᕕᖕᒥ ᐱᑦᑎᐊᕆᐊᖃᕐᓂᖅ, ᐊᑦᑕᕐᓇᖅᑕᐃᓕᒪᓂᖅ, ᐊᑐᐊᒐᐃᑦ ᐊᒻᒪ ᒪᓕᒃᑕᐅᔭᕆᐊᓕᖕᓂᒃ.
ᑖᓐᓇ ᐃᓕᓐᓂᐊᕐᓂᖅ ᓇᖕᒥᓂᖅ ᑐᑭᒧᐊᒃᑎᑕᐅᓪᓗᓂ, ᐊᒻᒪᓗ ᐃᓕᓐᓂᐊᕈᑎᒃᓴᓂᒃ ᑕᕐᕆᔭᒐᒃᓴᓂᒃ ᐊᓯᖏᓐᓂᒡᓗ ᑐᑭᓯᒋᐊᕈᑎᒃᓴᓂᒃ ᐊᑐᐃᓐᓇᖅᑕᖃᖅᖢᓂ.
ᖃᐅᔨᒋᐊᕐᕕᒋᓗᑎᒍᑦ ᐅᕗᖓ tuttarvik@qia.ca ᐃᑲᔪᖅᑕᐅᔪᒪᒍᕕᑦ ᑐᑭᒧᐊᒃᑎᑕᐅᔪᒪᒍᕕᓪᓗ ᐱᔭᕆᐊᖃᓕᕌᖓᕕᑦ. ᐅᓪᓗᒥ ᐱᓕᕆᐊᒃᓴᓄᑦ ᐸᕐᓇᒃᐸᒌᕆᑦ!